Dende a Concellaría de Servizos Sociais, Maiores e Sanidade, póñense en marcha os seguintes obradoiros municipais para persoas maiores de 60 anos e empadroadas no concello:

• Ximnasia
• Taichi
• Ioga
• Baile
• Obradoiros de Memoria
• Informática

Requisitos das persoas destinatarias

• Ter 60 ou máis anos.
• Estar empadroado/a no Concello de Oroso.
• Non estar afectado/a por enfermidade infecto-contaxiosa.
• Que a actividade a desenvolver sexa compatible co estado de saúde e a situación sanitaria do/da solicitante.

Criterios e condicións requeridas na selección das persoas usuarias no caso de que a demanda supere o número de prazas dispoñibles

• Preferencia das persoas que nunca participaron na actividade en anos anteriores.
• En iguais condicións preferencia das persoas con maior idade.
• En iguais condicións preferencia daquelas persoas que polo seu estado de saúde se aconselle por prescrición médica a participación na actividade.
• En iguais condicións preferencia das persoas que vivan soas ou sen rede de apoio familiar e social.
• A presentación desta solicitude non confire de forma automática praza nas actividades solicitadas. A fin do prazo de inscriccións sairá publicada a listaxe coas persoas admitidas en cada actividade.
• As prazas das distintas actividades serán asignadas por orde de presentación no rexistro municipal, tendo en conta os criterios establecidos anteriormente.

Lugar de inscrición

• Presentar o impreso de solicitude no Rexistro Municipal do Concello no horario de atención ao público.