O Concello de Oroso está a colaborar con varias empresas subministradoras para levar a fibra óptica ao maior número de sitios, especialmente no rural.

As obras que xa se están acometendo inclúen o despregamento tanto de forma soterrada como de forma aérea. Esta ampliación do despregamento de fibra óptica abarcará case todas as parroquias e parte do núcleo de Sigüeiro.

O Concelleiro de Medio Rural, Carlos Mosquera, apunta que “dende fai meses que están a traballar coa cuestión da fibra óptica, un servizo que xa é básico na maioría dos fogares tanto para traballar como estudiar e dende o concello estámonos a mover coas empresas subministradoras para levalo alí onde o demanden e sexa posible e facilitar ás mesmas para que sexa unha realidade”.