O grupo de goberno do Concello de Oroso quere trasladar o seu apoio e recoñecemento aos traballadores de Gadis e Froiz, entre os que se atopan veciños e veciñas do noso concello.

O seu labor diario resulta fundamental para garantir un servizo esencial á cidadanía, especialmente nun sector tan importante como o da alimentación.

Dende o Concello defendemos a importancia de avanzar en condicións laborais dignas, estables e xustas, sempre dende o diálogo, a responsabilidade e a vontade de acordo entre as partes.

Por este motivo, trasladouse unha carta dende a alcaldía ás direccións de Gadisa Retail S.L.U. e Grupo Froiz, apelando a un proceso de diálogo construtivo que permita acadar unha solución beneficiosa para todas as partes.

Oroso recoñece o traballo das persoas que sosteñen cada día este servizo esencial