Onte tivo lugar no Lar Blanco unha nova edición do Torneo de Xadrez Oroso, unha convocatoria aberta á veciñanza da comarca que reuniu participantes de todas as idades nun ambiente deportivo e cordial no que primaron o entusiasmo, a concentración e o espírito de convivencia. Esta actividade, xa consolidada no calendario local, converteuse nun espazo de encontro no que o xadrez serve como vehículo para o diálogo interxeracional e a promoción dun lecer saudable.

O Concello expresa o seu agradecemento ao Club Xadrez Oroso, ao propio Lar Blanco e a todas as persoas que tomaron parte na xornada, cuxa implicación e colaboración fixeron posible o éxito deste encontro centrado no deporte e no pensamento estratéxico. A resposta da cidadanía evidencia o interese crecente por iniciativas que, ademais de fomentar a práctica deportiva, contribúen a fortalecer o tecido social do municipio.

Desde o Concello de Oroso reafírmámosnos no noso compromiso de apoiar actividades que dinamizan a vida comunitaria e ofrecen alternativas de ocio que promoven valores como o respecto, a participación e o esforzo persoal. Grazas a todas e todos por formar parte desta iniciativa que, un ano máis, enriquece a programación local e fortalece o sentido de comunidade que nos caracteriza.