O Concello de Oroso celebrou hoxe un acontecemento moi especial: o 100 aniversario de Ricardo Rodríguez Lagares, máis coñecido como Ricardo do Ferreiro de Marzoa.

Ricardo Rodríguez, leva 75 anos vivindo en Mijoi na parroquia de Calvente. É carpinterio de profesión e moi coñecido en Oroso por adicarse a facer carros, tellados de casa, etc..sobre todo nas parroquias de Senra, Calvente, Ánxeles, Pasarela e Marzoa, a súa parroquia de orixe. É pai dunha filla coa que vive, ten unha neta e dous bisnetos.

Todos os días ás 20h da tarde, Ricardo do Ferreiro de Marzoa plántase diante do televisor para ver o seu programa favorito “Pasapalabra”. É costume de Ricardo beber un vaso de viño a comida e encántalle saír e pasear no coche.

Dende o Concello de Oroso queremos transmitir o noso agarimo e recoñecemento a Ricardo neste día tan especial, desexándolle moitos máis anos de felicidade e boa saúde.

Este 100 aniversario, celebrouno coa súa familia e amigos. O alcalde, Alex Doval e a concelleira de Servizos Sociais, Maiores e Sanidade, Lidia López fixéronlle unha visita e amosáronse orgullosos de que o Concello de Oroso conte con veciños como Ricardo, que representa os valores de resiliencia, alegría e apego á vida.

Parabéns, Ricardo!