Hoxe inaugurouse o obradoiro de emprego dual "Terras de Lengüelle", que une esforzos entre os concellos de Trazo, Oroso, Tordoia e Cerceda. No acto estiveron presentes a delegada da Xunta, Belén do Campo, e o alcalde de Oroso, Alex Doval, quen resaltou a relevancia desta iniciativa para fomentar a formación e o desenvolvemento no noso concello.

Este obradoiro permitirá que 20 persoas se especialicen durante 9 meses en actividades relacionadas coa conservación de montes e o mantemento de xardíns e viveiros, grazas a un investimento da Xunta de máis de 411.000 euros. Durante este tempo, realizaranse 33 intervencións de interese público nos diferentes concellos participantes, incluíndo actuacións no noso municipio.

Desde Oroso seguimos comprometidos en apoiar proxectos que promovan o emprego, melloren os nosos espazos e impulsen o benestar da veciñanza.