Extraordinarias
Comeza en:
Información:
  • 19-11-2026
  • 10:00 - 14:00
  • Mulleres emprendedoras
  • GRATUITO
Inscrición - Reserva

Localización: EducaOroso

Extraordinarias

A Aula CeMIT do Concello de Oroso, en colaboración co programa Extraordinarias da Fundación Cibervoluntarios, organiza o taller gratuíto «Extraordinarias: Dixitaliza a túa idea ou negocio», unha formación presencial dirixida especificamente a mulleres interesadas no emprendemento, emprendedoras e autónomas que desexen mellorar as súas competencias dixitais e impulsar os seus proxectos a través de Internet.

A actividade está pensada tanto para mulleres que teñen unha idea de negocio e queren dar os primeiros pasos como para aquelas que xa contan cunha pequena empresa ou actividade profesional e buscan mellorar a súa presenza na rede, chegar a máis clientes e aproveitar as oportunidades que ofrecen as ferramentas dixitais.

Baixo o lema «Aprende as ferramentas clave para que o teu proxecto medre desde o local ata o global», o obradoiro ofrecerá coñecementos prácticos para avanzar na dixitalización dos negocios e mellorar a súa visibilidade en Internet.


Que imos aprender neste nivel básico?
  • Transformación dixital: descubrir por que é importante incorporar as ferramentas dixitais á actividade empresarial e dar o salto ao mundo en liña.
  • Presenza na rede: aprender a crear perfís profesionais para dar visibilidade ao negocio en Google e Facebook.
  • Atención e visibilidade: coñecer as posibilidades de WhatsApp Business para mellorar a comunicación e o contacto coa clientela.
  • Seguridade dixital: adquirir nocións básicas para protexer os contrasinais e utilizar as ferramentas en liña con maior seguridade.

Obxectivo: impulsar os negocios a través da dixitalización

O obradoiro busca facilitar ás participantes ferramentas útiles para mellorar a presenza dixital dos seus proxectos, reforzar a comunicación coa clientela e aproveitar as oportunidades que ofrece Internet para dar a coñecer os seus produtos e servizos. A formación terá un enfoque práctico e introdutorio, orientado a que cada participante poida identificar recursos dixitais aplicables á súa actividade, tanto se está a iniciar un proxecto de emprendemento como se quere impulsar un negocio xa en funcionamento.

DataXoves, 19 de novembro de 2026

HorarioDe 10:00 a 14:00 horas

InscriciónGratuíta. Prazas limitadas



Lugar de celebración: Aula CeMIT de Sigüeiro, rúa do Deporte, número 9, Oroso.

As persoas interesadas poden consultar os detalles da actividade e reservar a súa praza a través da plataforma de formación da Rede CeMIT da Xunta de Galicia.

INSCRICIÓN AO OBRADOIRO «EXTRAORDINARIAS»

O programa Extraordinarias, impulsado pola Fundación Cibervoluntarios, promove a capacitación dixital das mulleres emprendedoras para contribuír a reducir a fenda dixital e facilitar o desenvolvemento dos seus negocios no ámbito en liña.

Compartir: