Certame OrosoGóisArte 2026

O Concello de Oroso, a través da Concellería de Cultura, organiza o Certame OrosoGóisArte 2026 co desexo de promover as artes plásticas entre a veciñanza e, especialmente, como apoio a artistas novos locais.

Exposicións

Temática das Obras

“Auga e lume” é unha reflexión sensorial sobre a tensión e a harmonía entre dous elementos opostos e complementarios. A auga representa o silencio, a fluidez e a continuidade; o lume simboliza o impulso, a transformación e a intensidade do cambio. Neste diálogo artístico, o contraste convértese en linguaxe, entre o que calma e o que esperta, o que permanece e o que transforma.

Modalidades

• Pintura: mínimo 50 cm e máximo 1 m, montado con marco ou listón.
• Fotografía: enmarcada, mínimo 50 cm e máximo 1 m.
• Escultura: altura máxima de 1 m (sen peana).
• Debuxo: enmarcado, mínimo 50 cm e máximo 1 m.

Recepción das obras

• Envío da ficha de inscrición e fotografía dixital (15x20 cm, 300 ppp) a biblioteca@oroso.gal.
• Prazo: do 15 ao 26 de xuño de 2026.
• Entrega física no Centro Cultural Fernando de Casas e Novoa.
• Horario: de 9:00 a 14:00 h.

Información

• Técnicas libres: pintura, fotografía, escultura e debuxo.
• Cada artista poderá presentar unha única obra orixinal por modalidade.
• Permítese á organización a publicación de imaxes das obras presentadas.
• As obras poderán ser retiradas no Centro Cultural Fernando de Casas e Novoa unha vez rematada a exposición.