O Departamento de Cultura do Concello de Oroso ten como obxecto promover, coordinar e impulsar a actividade cultural no municipio, fomentando a participación cidadá, a creatividade e a difusión do patrimonio artístico e inmaterial. A cultura é entendida como un eixo esencial para fortalecer a identidade local, facilitar a participación comunitaria e contribuír á calidade de vida de toda a veciñanza.

Dentro das súas competencias, o departamento organiza programacións culturais variadas ao longo de todo o ano, dirixidas a públicos de todas as idades, desde nenos e nenas ata maiores. Estas actividades abranguen espectáculos de teatro, concertos, exposicións, obradoiros e ciclos culturais ... entre outros, con especial atención á promoción das artes escénicas, musicais e visuais.

O departamento mantén unha oferta continuada de actividades no Centro Cultural Fernando de Casas e Novoa, situado en Sigüeiro, así como actuacións culturais noutros espazos públicos do municipio.

Programacióne actividades culturais

Entre as programacións e iniciativas promovidas polo departamento destacan:

• Outono Cultural: un ciclo de actividades que inclúe teatro, concertos, obradoiros e espectáculos en diferentes formatos, pensado para chegar a públicos de todas as idades e estilos.
• Semana Cultural de Oroso: evento que reúne actividades diversas como actuacións musicais, espectáculos de circo, danza e actividades familiares, xunto con propostas de lecer e festa para toda a comunidade.
• Mergúllate na Cultura: programación estival de espectáculos de teatro e música que se estende ao longo de varias semanas, destinada a dinamizar os meses de xuño e xullo.
• OrosoGóisArte: certame e intercambio artístico que promove a participación de artistas locais e a colaboración cultural co municipio irmán de Góis (Portugal), contribuíndo á proxección da creación artística máis aló das fronteiras municipais.

Ademais, a área de cultura organiza, en colaboración con distintas entidades e colectivos, talleres, cursos e actividades formativas adaptadas a intereses culturais diversos, así como actuacións e eventos especiais programados ao longo do ano.

Dende o Departamento de Cultura da Concellaría de Cultura, Ensino, Infancia, Xuventude, Muller e Igualdade, organizamos diferentes programacións culturais ao longo de todo ano dirixidas a públicos de todas as idades, desde nenos e nenas ata maiores.

A continuación podes consultar a programación que se leva a cabo:

A Concellaría de Cultura do Concello de Oroso ofrece para este curso 2025-2026 os seguintes obradorios culturais:

Formalización da solicitude

• As solicitudes deberán entregarse cumprimentadas e asinadas no rexistro municipal de 9 a 12 horas ou a través da sede electrónica.
Acceso á sede electrónica


• No caso de debuxo e pintura, mecanografía e inicación á costura sinala o código do curso que vai entre paréntese na solicitude.


• Os cursos están dirixidos tanto para rapaces como para adultos, e terán preferencia os/as empadroados/as no Concello de Oroso.


• As cotas dos obradoiros de teatro faranse efectivas a empresas ou empregado/a da mesma que leven a cabo a actividade, do mes por adiantado. As cotas anuais dos obradoiros de debuxo e pintura faranse efectivas a través da páxina web www.oroso.gal no apartado de tributos online e entregando o xustificante de pago no centro cultural ou no mail: cultura@oroso.gal o pago realizarase cando lle confirmen a praza dende o departamento de cultura do Concello de Oroso.
Acceso á tributos on line


• No momento de causar baixa nalgún curso deberá comunicalo por escrito no rexistro municipal ou a través da sede electrónica.

A Escola de Música "José Verea" do Concello de Oroso ofrece unha ensinanza musical completa e diversa co fin de satisfacer as múltiples necesidades que os seus ususarios poden demandar. Por unha banda, preparando as probas de acceso ós centros de ensinanza musical profesional ou conservatorios, pero tamén ofrecendo un proxecto pedagóxico propio e personalizado para os alumnos que se acheguen á música de xeito mías afeccionado e/ou lúdico, incluso para aqueles que pretendan profesionalizarse na música moderna: pop, rock, jazz, folk, etc, campos estes últimos para os que apenas existe formación regrada.

Se estas interesado ou precisas máis información, podes acceder a sección da escola de música ou poñerte en contacto co Departamento de Cultura.