- 08:00-23:59
- Sigüeiro
- Todos os públicos
- GRATUITO
O Concello de Oroso organiza a XXVIII Festa da Troita 2026, durante os días 8, 9 e 10 de maio en Sigüeiro.
Unha festa declarada de interese turístico e na que a gastronomía, a música, o deporte e a cultura non faltarán nesta nova cita.
Non perdas a oportunidade e acércate para disfrutar das nosas troitas, dos espectáculos musicais que terán lugar, do campionato de pesca ou da feira de artesanía.
Accede á programación da Festa da Troita
Agardámoste!!!
- 00:00-00:00
- Andaina PSM
- Todos os públicos
- GRATUITO
O Concello de Oroso informa da posta en marcha do programa “De Preto”, unha iniciativa impulsada por Andaina Pro Saúde Mental destinada a ofrecer unha atención próxima, continuada e adaptada ás necesidades das persoas con problemas de saúde mental e das súas familias no ámbito rural.
Andaina Pro Saúde Mental é unha asociación sen ánimo de lucro creada no ano 2010 co obxectivo de mellorar a calidade de vida das persoas con problemas de saúde mental, especialmente nas contornas rurais da área de Santiago de Compostela e A Barbanza. A entidade traballa desde un modelo de atención integral centrado na autonomía persoal, o acompañamento social e a inclusión comunitaria.
- 09:00-14:00
- Oroso
- Infantil
- 6.50 €
O Concello de Oroso e Escola Contalento organizan, en colaboración coa Xunta de Galicia e o programa Corresponsables, para o vindeiro 4 de maio, un programa de conciliación e lecer educativo para nenos e nenas de 3 a 12 anos con actividades divertidas e educativas para este período vacacional.
O campamento ten un horario estándar de 9:00 a 14:00 horas (50% financiado polo Concello de Oroso). Dispón dunha ampliación de horario de 7:30 a 9:00h, e outra ampliación de horario de 14:00 a 15:30 horas e servizos de comedor.
- 09:00-21:00
- Concello de Oroso
- Todos os públicos
- GRATUITO
O Concello de Oroso continúa a celebración dunha das súas citas máis emblemáticas cunha nova iniciativa de apoio ao tecido comercial local. Baixo o lema “Pesca o teu desconto”, esta campaña convida á veciñanza e ás persoas visitantes a seguir gozando do ambiente da Festa da Troita tamén nos establecementos do municipio.
Entre os días 4 e 10 de maio, todas aquelas persoas que realicen as súas compras no comercio local de Oroso poderán beneficiarse de agasallos e descontos especiais, convertendo cada compra nunha oportunidade para “pescar” vantaxes exclusivas.
Esta acción ten como obxectivo dinamizar o comercio de proximidade, fomentar o consumo responsable e poñer en valor o papel fundamental dos pequenos negocios na vida económica e social do concello. Ao mesmo tempo, contribúe a estender o espírito festivo da Festa da Troita máis alá das actividades tradicionais, implicando directamente ao tecido comercial.
- 11:00-21:00
- Piscina Municipal
- Todos os públicos
- 1.50 €
A piscina municipal de Sigüeiro abrirá as súas portas para a campaña de verán 2026 o 1 de maio. Paralelamente, o Concello de Oroso abre o prazo para solicitar ou renovar os carnés de aboanados.
Os prezos dos carnés mantéñense sen incrementos sobre os últimos anos. Así os veciños e veciñas empadroados en Oroso terán un desconto de 7 euros sobre a tarifa xeral: 17 euros (de 4 a 16 anos) e 25 euros (maiores de 16 anos). As persoas non empadroadas terán unha cota de 24 euros (de 4 a 16 anos) e de 32 euros (maiores de 16 anos). Así mesmo, haberá un desconto do 20% para familias numerosas.
